dingiral fulbe
dingiral fulbe
Yoolti leñol, itti yeeweende !



so oɗon njiɗi addude ballal e haalirde ndee.

Vidéo à la Une
Macungaagu ko tooñange yeru mum ko cukunaagu
Publié par duddulel le 18/11/2019 à 13:33 | 0 Commentaire


Ɗemngal ko doosɗe ɓamtaare leñol

28/08/2018 - Soh Usmaan ABU

kabaruuji 18-02-2016

16/02/2016 - duddulel

kabaruuji 11-02-2016

09/02/2016 - duddulel

kabaruuji 25- haa 30-01-2016

04/02/2016 - duddulel

Inscription à la newsletter

Ɗemngal ko doosɗe ɓamtaare leñol


Rédigé le Mardi 28 Août 2018 à 17:53 | Lu 5 fois | 0 commentaire(s)

Jojjitde foɗdeeji ɗemɗe ngenndiije to lesdi Muritani



Ɗemngal-am ko ngalu-am

ƊEMNGAL KO DOOSƊE ƁAMTAARE LEÑOL
 
Ɗemngal, ko ngooroondi ɓamtaare. Wiɗtiyaŋkooɓe neɗɗo-renndowal1, teeŋtinii ɓamtaare alaa, gaaga jeytaare ɗemngal leñol. Aade ko ɗemngal leñol mum, ngati ko maggal mahata pinal e neɗɗaagu makko. Mbiyen ko ɗemngal wonii ndaɗɗudi hakkilantaagal e ñeeñal  leñol. 
Neɗɗi-renndoyaŋkooɓe kollirii Aade jogii ko hakkillaaji ɗiɗi. Gadiiɗo oo  ko keeriiɗo, ɗimmo  oo   ko kuuɓtidinɗo.  
Gadiiɗo  oo, ko iwdi peeral makko, ɗimmo oo, ko iwdi doosɗe renndo makko etee, yoga e renndoyaŋkooɓe mbii: ‘‘Ko hakkille renndo, ɗowata peeral Aade, ngati ko  makko, mahata ñeeñal e pinal ’’
 
 Ndake noon, kala ɗawaaɗo ɗemngal mum, waasi tataɓal peeral e ñeeñal mum. Hannde nde noon, dawrugol ngenndi men ko hoomtude ɗemɗe laamaaɓe e ɗaaynude pine mum’en. 
Hannde oo noon, nde faandaare bonnde laatiima e nder yoga e diiwanuuji men. Ngati yoga e sukaaɓe men jaŋngooɓe he duɗe laamu leslese e nder diiwaan : Asaba he  Hod el Gharbi, ina kersa haalde e haaldeede ɗemngal mum’en  nder jaŋngirɗi.
Ka ngonka mbonka ina adda caɗeele  keewɗe he  leñol :
1- Waasde neɗɗaagu mum
2- Majjere
3- Maccungaagu
4- Baasal e rafi hafi hakille
 
1. Waasde neɗɗaagu  mum 
Ko adii fof, ina moƴƴi paamen, hakkilantaagal e neɗɗaagal ko piindi ɗemngal. Etee, gila dawaa-dawii, kala leƴƴi ɓamtinooɗi, ɓamtorii ko pinal mum’en. Ko ɗuum waɗii, kala leñol ngol, huutoraakii ɗemngal e pinal mum, waasat  tataɓal ñeeñal e ƴoyre ɓiɓɓe mum. Ngati ɓe majjat kuccam e jeytaare maɓɓe.
 Hannde nde noon, ɗemɗe men ngenndiije koomtaama, pine men dummbaama. 
Nde tawno, laamu ngenndi men ina humpitii, leñol ɓamtotaako gaaga ɗemngal mum, gila e kitaale 1970, ngu dawrii ko joñde e warde ɗemɗe e pine men e nder gollirɗe kam e jaŋngirɗe  maggu.
 
Ko ɗuum waɗii peeje keewɗe ceeraani e ɓameede  ngam siinude nde faandaare : 
a- Jaŋginde en ɗemngal maɓɓe e duɗe laamu leslese.
b- Fuuynude e jalkitde ɗemɗe e pine men   nder diŋire pinal e gollirɗe laamu. 
 
Ɗemɗe men laatiima no ayiiba e nder nokkuuji pinal e nganndal hay sukaaɓe men mbattii hersirde haalde,  ɗemɗe mum’en  e nder yoga he  nokkuuji . Tesko ɗen hannde oo ko Fulfulde, wolof e Soninke ɓurii famɗude ko haaletee e ko ngollirtee he diŋire laamu men. 
Etee, ɗe ɗemɗe ngenndiije ina njogii hake jaŋngeede e haaleede e ɗii nokkuuji kala. Etee, gollireedeɗe ko ɓamtaare wonande ngenndi men so laawol ngoonga rewaama.
 
2. Majjere
Majjere ko toŋngol hakkille Aade, leñol e renndo. Maale majjere ko waasde anndude e winndude fina-tawaaji e ɗemngal mum. 
Teskoɗen no feewi:
 Oon mbo annda aadaaji e ɗemngal mum, anndata ngonka e kucam makko. Wiɗtooji-renndowal2 kollirii wonnde neɗɗaagu ko jaalal ɓamtaare Aade. Ko ɗuum waɗii ganndal ko anndude hoyre mum.  Hannde nde noon, en puuynii fina-tawaaji e ɗemɗe men.  Ɓesnguuji men koomtaama, pinal men ubbaama, hakkilantaagal men dummbaama neɗɗaagu e teddungal men wirniima. Majjere laatiima doosɗe nguurndam men.
 

3. Maccungaagu
Maccungaagu ko dummbo hakkilantaagal e pinal Aade, renndo e leñol. Kala leñol ngol jaŋngaanii, huutoraaki ɗemngal, fina-tawa e cooñce mum, ngol wuurata ko nguurndam maccungaagu. 
Ngati ko pine e aadaaji jananii, ngol ɓamtata. Ndeen noon, ngol waasat jeytaare kam e ɓamtaare maggol.
 
4. Baasal e rafi hakkille
Baasal, ko baasal hakkille. Ngati, hakkille e ganndal ko ngalu ko dañal wonii njiilaandi mum. Oon mbo alaa hakkille waasi ƴellitaare mum.  Ko ɗuum waɗii, jaŋngude ɗemngal mum ko sodorde ɓurnde raɓɓiɗde fayde e ɓamtaare. Majjude ɗemngal mum ko boomaare etee, ina adda  rafiiji keewɗi. 
Neɗɗo-renndowal ina teeŋtinii wonde : 
 
« Ko ɓuri heewde e rafiiji hakkille addata ɗum’en ko caɗeele renndo ». 
Ngati, neɗɗo mbo huutoraaki ɗemngal e pinal mum ko taƴondirɗo he ɗaɗii neɗɗaagu mum. Etee ko neɗɗaagu wonii fooɓre cellal hakkille Aade. Ko ɗuum waɗii ko heewi e yimɓe ɓe jaɓaanii pine mum’en ina ngonndi e rafii biyeteeɗo  “ jiiɓdu neɗɗaagal”. 
 
Soh Usman Abu 
 
Renndoyaŋke Jaaɓi haɗtirde Nuwasoot
(+222)2247691
sowousmane810@gmail.com



Nouveau commentaire :
Facebook Twitter

Naalaŋkaagal | Radio Dingiral Fulɓe | Pour aller plus loin | KABARUUJI | video | Association Dingiral Fulbe | kabaruuji jaayndeeji









........................................................... ..............................................................
so oɗon njiɗi addude ballal e haalirde ndee.



video
duddulel | 18/11/2019 | 341 vues
video
duddulel | 12/11/2019 | 1545 vues
video
duddulel | 12/11/2019 | 1529 vues
video
duddulel | 12/11/2019 | 1521 vues
video
duddulel | 12/11/2019 | 1215 vues
video
duddulel | 12/11/2019 | 730 vues

........................................................


Trees
muusa
Aiacciu at dusk