dingiral fulbe

so oɗon njiɗi addude ballal e haalirde ndee. .....................................................
..............
...

Fary Silate KA Hooreejo Tabital Pulaagu Sénégal


Rédigé le Lundi 22 Février 2016 à 01:30 | Lu 1365 fois | 0 commentaire(s)

TABITAL PULAAKU SENEGAAL



Geno jaaraama fulɓe Senegaal njaaraama, nde cuɓii gardiiɗo e dow nuunɗal e hakkilantaagal keddotoongal e daartol moƴƴol, wonana arooɓe janngo tiimtorgal lobbal.
Caggal njettoor mo fulɓe njaari  Ceerno Maham Siidi Satige JALLO gardinooɗo goomu ɗowu hade hoyreejo danye, kam e wondiiɓe mum,
Fulɓe Senegaal kawrii nyalnde aset 20/02/2016 ngam suɓaade hooreejo ARP/TPS caggal nde yiɗɓe ardaade ɓe njottini ƴame mumen, tawi ko ɓe yontaaɓe ɓe lenyol ngol yanaa, ngol ruttii e suɓngo suuɗiingo ko e dow ɗuum Ceerno FARI SILAAT  KAH rokkaa teddungal yo ardo Tabital Pulaagu Senegaal fotde duuɓi tati ;
Ko ɗoon Ceerno Umar Abbaas SOH e Ceerno Hamodin SIH ndokki cuɓaaɗo o juuɗe njaɓi e dow ko suɓaa ko, ɓe njaaraama fulɓe teskiima golle maɓɓe e nuunɗal ngal ɓe koliri ngal.
Ko goonga ena hatojini ngarten e daartol ARP/ Tabital Pulaagu Senegaal, tee ma en ngartoy heen e binndanɗe men payɗe…
 
Joon jooni ɓuri himmude e hatojineede ko golle padiraaɗe ndee yiilirde, ɗeen ngoni ; Jaŋde mawɓe yahdunde e fitiram-gollaagu, e dunyde ardiiɓe ngenndi Senegaal nde jaŋde pulaar naatnatee e duɗe laamuyanke ko yaawi .
Mahgol galle Yero Dooro JALLO mo nganndu-ɗen won ngalu fuɗɗii renndineede ngam oon galle, kadi jaaynee e jaaynirɗe e kala no gollal ngal yahrata e ɗo tolnii.
Nyalawma Nagge e jeewte naftooje ena padaa kadi e hoyreejo TPS e yiilirde mum.
Ɓeyden heen Cate TPS ena padaa kanyum en ne e waɗde doole mum en no potnoo e wallondirde e hoyreejo o ngam wuurnude ɗemngal men e sarde miijooji yo yimɓe nokkuuji ɓe, yo kirjin laamɓe arooɓe e maɓɓe ɓe yo ɗemngal men waɗte e janngirɗe laamu ngu, so ɗuum alaa en ngalaa too e maɓɓe, en ngalaa gaa e maɓɓe, mbele ɓe ngarta e ko paamondirten nafta en.
 
E nder ɗeen golle Rajo Dingiral Fulɓe e gardagol JAH Aadama Bubakara ena hebii e wallondirde e hoyreejo e yiilirde mum e kala fannu
 
Rajo Dingiral Fulɓe na wiya : Ceerno Fari Silaat KAH yo a jogoro jam, Geno rokke wune.

Kuɗol: Muusa Sammba SOH



Naalaŋkaagal | Radio Dingiral Fulɓe | Pour aller plus loin | KABARUUJI | video | Association Dingiral Fulbe | kabaruuji jaayndeeji

........................................................
so oɗon njiɗi addude ballal e haalirde ndee. ................................................






Partager ce site








Adama DIA | 12/10/2017 | 4591 vues
Adama DIA | 10/10/2017 | 3254 vues
Adama DIA | 03/10/2017 | 3206 vues
Adama DIA | 20/08/2017 | 1712 vues
Adama DIA | 19/08/2017 | 1623 vues
Adama DIA | 18/08/2017 | 251 vues